John Meirion Morris

‘ Mae John Meirion Morris yn gerflunydd pwysig heb unrhyw amheuaeth. Gellir rhannu ei waith i ddau gategori. Yn y categori cyntaf, gwaith naturiolaidd sy’n cael ei gyfleu mewn cyfres o bennau grymus yn amrywio o ben y bardd Gwenallt i ben y bardd Gerallt. Mae’r pennau nodedig hyn, sydd wedi eu gwneud yn nhraddodiad Rodin ac Epstein, yn mynegi empathi hynod gyda meistrolaeth ryfeddol o’r ‘genre’. Mae natur yr ail gategori yn symbolaidd ac archetypal. Yn fy marn i dyma yw ei waith mwyaf gwreiddiol. Ar ei orau, mae teimlad cyfoes i’r cerfluniau yn ogystal â grym cyntefig nerthol. Yn sicr, mae ei gerfluniau yn gyhoeddus ac yn mynnu coffau amserau trawmatig torfol yn ogystal â chanfod adnoddau ysbrydol ar gyfer y dyfodol. Mae’n sicr bod ei waith ymysg y mwyaf heriol sy’n cael ei greu yng Nghymru y dyddiau hyn.’

Proffesor Peter Abbs o Brifysgol Sussex